கரப்பினுங் கையிகந் தொல்லாநின் உண்கண்
உரைக்கல் உறுவதொன் றுண்டு.
நீ மறைக்க நினைத்தாலும் அதற்கு உடன்படாமல் உன்னையும் மீறி மையெழுதிய உன் கண்கள் சொல்லும் செய்தி ஒன்று உண்டு.
கரத்தல் - மறைத்தல்
கையிகந்து - கைமீறி
ஒல்லா - உடன்பாடமல்
உண்கண் - மை எழுதிய கண்கள்
கண்ணிறைந்த காரிகைக் காம்பேர்தோட் பேதைக்குப்
பெண்நிறைந்த நீர்மை பெரிது.
மூங்கிலை ஒத்தத் தோள்களை உடைய, என் கண்ணில் நிறைந்த அழகிய பேதைக்கு பெண்மைக்குரிய பண்புகள் மிகுந்தள்ளன.
காம்பு - மூங்கில்
ஏர் - ஒத்த
மணியில் திகழ்தரு நூல்போல் மடந்தை
அணியில் திகழ்வதொன்று உண்டு.
மணிகளை கோர்த்திருக்கும் நூல் போல இவள் அழகிய ஒப்பனைத் தோற்றத்திற்கு காரணம் ஒன்று உண்டு.
முகைமொக்குள் உள்ளது நாற்றம்போல் பேதை
நகைமொக்குள் உள்ளதொன் றுண்டு.
அரும்பிய மலர் மொட்டின் புது மனம் போல் அவள் காதல் சிரிப்பிற்கு காரணம் ஒன்று உள்ளது.
முகை - அரும்பு
செறிதொடி செய்திறந்த கள்ளம் உறுதுயர்
தீர்க்கும் மருந்தொன்று உடைத்து.
நெருங்கிய வளையல்கள் அணிந்த என் காதலி தந்து சென்ற கள்ளக் குறிப்பில் என் துயர் தீர்க்கும் மருந்து ஒன்று உள்ளது.
தொடி - வளையல்
பெரிதாற்றிப் பெட்பக் கலத்தல் அரிதாற்றி
அன்பின்மை சூழ்வ துடைத்து.
என் துயரைப் பெரிதும் ஆற்றி விரும்பிக் கலந்திருப்பது என்னை அரிதாகப் பிரிந்து அவர் அன்பு இல்லாத நிலை வருவதை உணரத்துவது போல் உள்ளதே!
தண்ணந் துறைவன் தணந்தமை நம்மினும்
முன்னம் உணர்ந்த வளை.
நெய்தல் நிலத் தலைவனான என் காதலன் என்னைப் பிரியப் போவதை எனக்கும் முன்பே உணரந்தனவே இந்த வளையல்கள்!
நெருநற்றுச் சென்றார்எம் காதலர் யாமும்
எழுநாளேம் மேனி பசந்து.
நேற்றுத் தான் என் காதலர் என்னைப் பிரிந்து சென்றார். அதற்குள் ஏழுநாளானது போல் என் உடல் பசலை நிறம் கொண்டதே!
நெருநல் - நேற்று
தொடிநோக்கி மென்தோளும் நோக்கி அடிநோக்கி
அஃதாண் டவள்செய் தது.
அவள் செய்த குறிப்பு பிரிவால் கழன்று விழக்கூடிய வளையல்களையும், மெலியக் கூடிய தோள்களையும், அதைத் தவிர்ப்பதற்காக உடன் வரத் துணிந்த அடிகளையும் உணர்த்தியது.
பெண்ணினால் பெண்மை உடைத்தென்ப கண்ணினால்
காமநோய் சொல்லி இரவு.
தன் கண்களால் தான் கொண்ட காம நோயைப் பற்றிக் கூறி உடன் வருவதாக இரந்து நிற்பது பெண்மைக்கு பெண்மை சேர்த்தது போல் என்பர்.
Monday, November 19, 2007
காமத்துப்பால் - கற்பியல் - குறிப்பு அறிவுறுத்தல் - 128
Labels:
கற்பியல்,
காமத்துப்பால்,
குறிப்பு அறிவுறுத்தல்,
திருக்குறள்
Subscribe to:
Post Comments (Atom)
No comments:
Post a Comment